Pakistan Chye Lapata Hoya Munda Mil Gya

ਪਾਕਿਸਤਾਨ ‘ਚ ਲਾਪਤਾ ਹੋਇਆ ਪੰਜਾਬੀ ਨੌਜਵਾਨ ਮਿਲ ਗਿਆ ਦੇਖੋ ਕੀ ਕਰ ਰਿਹਾ ਸੀ ਕਹਿੰਦਾ ਮੈਂ। …….

ਪਾਕਿਸਤਾਨ ‘ਚ ਲਾਪਤਾ ਹੋਇਆ ਪੰਜਾਬੀ ਨੌਜਵਾਨ ਮਿਲ ਗਿਆ ਦੇਖੋ ਕੀ ਕਰ ਰਿਹਾ ਸੀ ਕਹਿੰਦਾ ਮੈਂ। …….

ਇਸਲਾਮਾਬਾਦ ਤੋਂ ਬੀਬੀਸੀ ਪੱਤਰਕਾਰ ਸ਼ੁਮਾਇਲਾ ਜਾਫ਼ਰੀ ਨੇ ਦਸਿਆ ਕਿ ਗ੍ਰਹਿ ਮੰਤਰਾਲੇ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਅਮਰਜੀਤ ਸ਼ੇਖੂਪੁਰਾ ਇਲਾਕੇ ਵਿੱਚ ਮੌਜੂਦ ਸੀ ਅਤੇ ਉਸ ਨੂੰ ਮੰਗਲਵਾਰ ਨੂੰ ਵਾਘਾ ਰਾਹੀਂ ਭਾਰਤ ਭੇਜ ਦਿੱਤਾ ਜਾਵੇਗਾ।

24 ਸਾਲਾ ਅਮਰਜੀਤ ਸਿੰਘ ਵਿਸਾਖੀ ਦੇ ਸਬੰਧ ਵਿੱਚ ਪਾਕਿਸਤਾਨ ਗਏ ਸਿੱਖ ਸ਼ਰਧਾਲੂਆਂ ਦੇ ਜਥੇ ‘ਚ ਸ਼ਾਮਿਲ ਸੀ ਅਤੇ ਅਚਾਨਕ ਲਾਪਤਾ ਹੋ ਗਿਆ ਸੀ।

ਪਾਕਿਸਤਾਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਜਨਰਲ ਸਕੱਤਰ ਗੋਪਾਲ ਸਿੰਘ ਚਾਵਲਾ ਨੇ ਇਸਲਾਮਾਬਾਦ ਤੋਂ ਫੋਨ ‘ਤੇ ਅੰਮ੍ਰਿਤਸਰ ਦੇ ਪੱਤਰਕਾਰ ਰਵਿੰਦਰ ਸਿੰਘ ਰੌਬਿਨ ਨੂੰ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਅਮਰਜੀਤ ਸਿੰਘ ਨੂੰ ਲਭ ਲਿਆ ਗਿਆ ਹੈ।

ਫੇਸਬੁੱਕ ਰਾਹੀਂ ਹੋਈ ਸੀ ਦੋਸਤੀ
ਆਪਣੇ ਫੇਸਬੁੱਕ ਮਿੱਤਰ ਅਮੀਰ ਰਜ਼ਾਕ ਨੂੰ ਮਿਲਣ ਲਈ ਅਮਰਜੀਤ ਨਨਕਾਣਾ ਸਾਹਿਬ ਤੋਂ ਜਥੇ ਵਿੱਚੋਂ ਲਾਪਤਾ ਹੋ ਗਿਆ ਸੀ।

ਅਮਰਜੀਤ ਸਿੰਘ ਦੀ ਪਾਕਿਸਤਾਨ ਦੇ ਸ਼ੇਖੂਪੁਰਾ ਦੇ ਅਮੀਰ ਰਜ਼ਾਕ ਨਾਲ ਫੇਸਬੁੱਕ ਰਾਹੀਂ ਸਾਂਝ ਪਈ ਸੀ।

ਉਹ 12 ਅਪ੍ਰੈਲ ਨੂੰ ਸਿੱਖ ਜਥੇ ਨਾਲ ਪਾਕਿਸਤਾਨ ਰਵਾਨਾ ਹੋਇਆ ਅਤੇ ਨਨਕਾਣਾ ਸਾਹਿਬ ਪਹੁੰਚਣ ‘ਤੇ ਅਮੀਰ ਰਜ਼ਾਕ ਨੂੰ ਫ਼ੋਨ ਕੀਤਾ ਜਿਸ ਨੇ ਉਸ ਨੂੰ ਸ਼ੇਖੂਪੁਰਾ ਆਉਣ ਨੂੰ ਕਿਹਾ।

ਸਰੋਤਾਂ ਮੁਤਾਬਕ ਅਮਰਜੀਤ ਨੇ ਅਮੀਰ ਰਜ਼ਾਕ ਨੂੰ ਦੱਸਿਆ ਕਿ ਸ਼ੇਖੂਪੁਰਾ ਲਈ ਉਸ ਦਾ ਵੀਜ਼ਾ ਪਾਸ ਹੋਇਆ ਹੈ ਅਤੇ ਨਾਲ ਹੀ ਤਿੰਨ ਮਹੀਨੇ ਲਈ ਪਾਕਿਸਤਾਨ ਰਹਿਣ ਲਈ ਉਸ ਕੋਲ ਵੀਜ਼ਾ ਹੈ।

ਅਮਰਜੀਤ ਬਾਰੇ ਅਮੀਰ ਰਜ਼ਾਕ ਨੇ ਅਖ਼ਬਾਰਾਂ ‘ਚ ਉਸ ਦੀਆਂ ਤਸਵੀਰਾਂ ਦੇਖ ਕੇ ਪਾਕਿਸਤਾਨ ਦੇ ਇਵੈਕਿਊ ਟਰੱਸਟ ਪ੍ਰੋਪਰਟੀ ਬੋਰਡ (PETPB) ਨੂੰ ਦਸਿਆ।

‘ਤਿੰਨ ਮਹੀਨੇ ਪਹਿਲਾਂ ਮਲੇਸ਼ੀਆ ਤੋਂ ਪਰਤਿਆ ਸੀ’
ਅਮਰਜੀਤ ਸਿੰਘ ਮਲੇਸ਼ੀਆ ਵਿੱਚ ਕੰਮ ਕਰਦਾ ਸੀ ਅਤੇ ਤਿੰਨ ਮਹਿਨੇ ਪਹਿਲਾਂ ਹੀ ਪਿੰਡ ਪਰਤਿਆ ਸੀ ਅਤੇ ਪਰਿਵਾਰ ਦੀ ਖੇਤੀਬਾੜੀ ਵਿੱਚ ਮਦਦ ਕਰਵਾ ਰਿਹਾ ਸੀ।

ਅਮਰਜੀਤ ਦੇ ਭਰਾ ਮੁਤਾਬਕ, ”ਕਿਸੇ ਹੋਰ ਮੁਲਕ ਦਾ ਵੀਜ਼ਾ ਮਿਲਣ ਤੋਂ ਪਹਿਲਾਂ ਉਹ ਗੁਰਦੁਆਰਾ ਨਨਕਾਣਾ ਸਾਹਿਬ ਤੇ ਹੋਰ ਗੁਰਧਾਮਾਂ ਦੇ ਦਰਸ਼ਨ ਕਰਨਾ ਚਾਹੁੰਦਾ ਸੀ।”

ਅਮਰਜੀਤ ਸ਼ਰਧਾਲੂਆਂ ਦੇ ਜਥੇ ਨਾਲ 12 ਅਪ੍ਰੈਲ ਨੂੰ ਪਾਕਿਸਤਾਨ ਲਈ ਰਵਾਨਾ ਹੋਇਆ ਅਤੇ ਉਸਦਾ ਵੀ ਵੀਜ਼ਾ 21 ਅਪ੍ਰੈਲ ਤੱਕ ਹੀ ਸੀ।

ਉਸਦੇ ਭਰਾ ਪ੍ਰਭਜੋਤ ਨੇ ਦੱਸਿਆ, “ਅਮਰਜੀਤ ਨੇ 12 ਅਪ੍ਰੈਲ ਨੂੰ ਪਾਕਿਸਤਾਨ ਪਹੁੰਚਣ ਬਾਰੇ ਫੋਨ ਕੀਤਾ ਸੀ। ਅਸੀਂ ਉਸਨੂੰ ਫੋਨ ਕਰਨ ਦੀ ਕੋਸ਼ਿਸ਼ ਵੀ ਕੀਤੀ ਸੀ ਪਰ ਇੰਟਰਨੈੱਟ ਕੁਨੈਕਸ਼ਨ ਨਾ ਹੋਣ ਕਾਰਨ ਗੱਲ ਨਹੀਂ ਹੋਈ। ਪਰਿਵਾਰ ਨੂੰ ਲੱਗਾ ਕਿ ਅਮਰਜੀਤ ਧਾਰਮਿਕ ਯਾਤਰਾ ਵਿੱਚ ਵਿਅਸਤ ਹੈ ਇਸ ਲਈ ਫ਼ੋਨ ਨਹੀਂ ਕਰ ਰਿਹਾ।”

ਅਮਰਜੀਤ ਦਾ ਪਰਿਵਾਰ ਹੁਣ ਪੁਲਿਸ ਵਿੱਚ ਮਾਮਲੇ ਦੀ ਸ਼ਿਕਾਇਤ ਕਰੇਗਾ।

ਇਸ ਤੋਂ ਪਹਿਲਾਂ ਸ਼ਰਧਾਲੂਆਂ ਦੇ ਜਥੇ ਨਾਲ ਪਾਕਿਸਤਾਨ ਗਈ ਹੁਸ਼ਿਆਰਪੁਰ ਦੇ ਗੜ੍ਹਸ਼ੰਕਰ ਦੀ ਕਿਰਨ ਬਾਲਾ ਨੇ ਪਾਕਿਸਤਾਨ ਵਿੱਚ ਇੱਕ ਸ਼ਖਸ ਨਾਲ ਨਿਕਾਹ ਕਰਾ ਲਿਆ ਅਤੇ ਵਾਪਸ ਨਹੀਂ ਪਰਤੀ।

LEAVE A REPLY

Please enter your comment!
Please enter your name here